સુધાંશુ પાંડે ટીવી શો અનુપમામાં તેના ઓન-સ્ક્રીન અભિનયથી તમામ ચાહકોને ખૂબ ખુશ કરી રહ્યો છે. ચાહકોને તેની એક્ટિંગ ઘણી પસંદ છે. અનુપમામાં સુધાંશુ પાંડે વનરાજનું પાત્ર ભજવે છે. વનરાજે અનુપમા પછી કાવ્યા સાથે લગ્ન કર્યા, પરંતુ હજુ પણ વનરાજ અનુપમાને પ્રેમ કરે છે અને અનુપમાને તેના જીવનમાં પાછી લાવવા માંગે છે. સુધાંશુ પાંડેએ તાજેતરના ઈન્ટરવ્યુમાં કેટલાક મોટા ખુલાસા કર્યા છે.

અનુપમા બાદ સુધાંશુ ને મળી લોકપ્રિયતા
સુધાંશુ પાંડે અને મદાલસા શર્માનું નવું ગીત ‘દિલ કી તુ જમીન’ ટૂંક સમયમાં રિલીઝ થવા જઈ રહ્યું છે. તાજેતરમાં સુધાંશુ પાંડેએ એક ઈન્ટરવ્યુમાં પોતાની જર્ની વિશે જણાવ્યું હતું. તેણે એ પણ જણાવ્યું કે અનુપમા પછી તેની લોકપ્રિયતામાં ઘણો વધારો થયો છે.

તેણે કહ્યું કે તેણે ઘણા શો ઠુકરાવ્યા કારણ કે તે માથું નમાવવા માંગતો ન હતો. જોકે મેકર્સ પાસે કેટલીક શરતો હતી જે હું ક્યારેય સ્વીકારીશ નહીં. વાત એ છે કે આપણે બધા સેલ્ફ મેડ લોકો છીએ અને આ કારણે હું ખોટા કારણોસર કોઈની સામે નમવા માંગતો ન હતો. આપણે એવા કામ ન કરવા જોઈએ જેનાથી ભવિષ્યમાં પસ્તાવો કરવો પડે.

સુધાંશુ એ પ્રિયંકા વિશે કરી વાત
ઈન્ટરવ્યુ દરમિયાન સુધાંશુ પાંડેએ પ્રિયંકા ચોપરાના વખાણ કર્યા હતા. સુધાંશુ પાંડેએ જણાવ્યું કે તે એ જ સ્કૂલમાંથી ભણ્યો છે જ્યાંથી પ્રિયંકા ચોપરાએ અભ્યાસ કર્યો છે. તેણે કહ્યું કે પ્રિયંકા ચોપરા સ્કૂલમાં તેની જુનિયર હતી.

હાલમાં જ અનુપમાના શોમાં બતાવવામાં આવી રહ્યું છે કે અનુપમા અમેરિકા જઈ રહી છે. દરમિયાન, અનુજ અને માયા સમરના લગ્નમાં હાજરી આપવા શાહ હાઉસ આવ્યા હતા. આગામી એપિસોડમાં તમે જોશો કે માયા મોટી રમત રમવા જઈ રહી છે. તે શું છે એ તો શો જોયા પછી જ ખબર પડશે.