અનુપમા ફેમ નિતેશ પાંડે હવે આ દુનિયામાં નથી. હાર્ટ એટેકના કારણે તેમનું નિધન થયું છે. તેમની અચાનક વિદાયથી તેમના નજીકના લોકો શોકમાં ગરકાવ થઈ ગયા છે. આ સાથે જ ટીવી ઈન્ડસ્ટ્રીમાં શોકનું મોજુ ફરી વળ્યું છે. ટીવી સીરિયલ ‘અનુપમા’માં નિતેશ પાંડે સાથે કામ કરનાર રૂપાલી ગાંગુલીની પણ રડીને હાલત ખરાબ થઈ ગઈ છે.
નિતેશ ના નિધન થી ભાંગી પડી રૂપાલી
રૂપાલી ગાંગુલી તેના બંને સહ કલાકારો નિતેશ પાંડે અને વૈભવી ઉપાધ્યાયના નિધનના દુઃખને દૂર કરવામાં અસમર્થ છે. તેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં તે રડતી જોવા મળી રહી છે.
View this post on Instagram
જણાવી દઈએ કે, આ વીડિયો નિતેશ પાંડેના ઘરની બહારનો છે. જ્યારે તે તેના મિત્ર નિતેશ પાંડેને વિદાય આપવા આવી ત્યારે રૂપાલી તેના આંસુને રોકી શકી ન હતી. કારમાં બેસીને તે પોતાના દુપટ્ટા વડે આંસુ લૂછતી જોવા મળી હતી.
રીલ નહીં રિયલ લાઈફ માં પણ સારા મિત્રો હતા રૂપાલી અને નિતેશ: તમને જણાવી દઈએ કે, રૂપાલી ગાંગુલી અને નિતેશ પાંડે માત્ર રીલ લાઈફમાં જ નહીં પરંતુ રિયલ લાઈફમાં પણ ઘણા સારા મિત્રો હતા.
નિતેશના મૃત્યુ બાદ રૂપાલી ગાંગુલીએ ખુલાસો કર્યો હતો કે નિતેશ તે લોકોમાંથી એક હતો જેણે હંમેશા તેને સપોર્ટ કર્યો હતો. પોતાના મિત્રને યાદ કરતાં તેણે કહ્યું કે ડેલનાઝ અને સારાભાઈ સિવાય નિતેશ એકમાત્ર વ્યક્તિ હતો જે હંમેશા તેની સાથે સંપર્કમાં રહેતો હતો.
Leave a Reply