જન્મના મહિના પરથી વ્યક્તિની અનેક વાતો વિશે જાણી શકાય છે.જ્યોતિષ શાસ્ત્ર અનુસાર જન્મનો મહિનો, તમારા સ્વભાવ, વ્યક્તિત્વ, ઉંચાઈ, ગુણો અને આચરણ સિવાય તમને જણાવે છે કે કયો ગ્રહ તમને અસર કરશે.જાતકના જન્મના મહિનાનો પ્રભાવ તેના વ્યક્તિત્વ પર પણ પડે છે.આ દ્વારા, તે જાણી શકાય છે કે તમે કયા ક્ષેત્રમાં વધુ સફળ થશો.
ચાલો જાણીએ તમારો જન્મનો મહિનો અને તેના પરથી તમારો સ્વભાવ..જાન્યુઆરી મહિનામાં સૂર્ય અને શનિનો પ્રભાવ જોવા મળે છે. જાન્યુઆરી માસમાં જન્મેલા લોકો સુંદર હોય છે. તેમને ફેશનમાં ખાસ રૂચિ હોય છે, આ મહિનામાં જન્મ લેતા લોકો તેમના કામમાં ઉતાવળા હોય છે, એટલા માટે ઘણી વાર આ બેદરકારીના કારણે તેમને મોટું નુકસાન વેઠવું પડે છે. આ માસમાં જન્મેલા લોકો લાગણીશીલ હોય છે.
શુક્ર ગ્રહની અસર ફેબ્રુઆરી મહિનામાં જન્મ લેનારા લોકો પર જોવા મળે છે. આ મહિનામાં જન્મેલા લોકો ખુબ જ મહેનતુ હોય છે. આ મહિનામાં જન્મેલા લોકો ખુશીના સમયે ખૂબ જ ખુશ થાય છે, જ્યારે દુ:ખથી નુકશાન પણ વધારે થાય છે. તમે કલા અને વાણીથી અન્યને તમારી તરફ આકર્ષિત કરી શકો છો. તમે તમારું કાર્ય સરળતાથી પૂર્ણ કરો છો. તમે વિચારોથી રૂઢિચુસ્ત છો.
માર્ચ મહિનામાં દેવગુરુ ગુરુની અસર જોવા મળે છે. આ મહિને જન્મેલા લોકો પરોપકારી છે. તમે ધર્મના કાર્યોમાં હંમેશા આગળ રહો છો. તમે તમારા શબ્દોને વળગી રહો છો. જોકે ઘણી વાર આ ટેવ ચમારા રસ્તામાં અવરોધિત બને છે.
મંગળની અસર એપ્રિલ મહિનામાં જન્મેલા જાતકો પર જોવા મળે છે. એપ્રિલ માસમાં જન્મેલા લોકો ઉર્જાવાન હોય છે તેઓ જીવનના દરેક ક્ષેત્રમાં આગળ વધે છે. પ્રેમ સંબંધમાં પણ લોકો ઈમાનદાર હોય છે. આ કારણે જ તેમનું દાંપત્યજીવન સુખથી ભરપૂર હોય છે. આ માસમાં જન્મેલી યુવતિઓ ઝીંદાદીલ, હસમુખી હોય છે જો કે તેમનો સ્વભાવ જીદ્દી હોય છે.
સૂર્ય ગ્રહનો પ્રભાવ મે મહિનામાં જન્મેલા લોકો પર જોવા મળે છે. આ મહિનામાં જન્મેલા લોકો ઉર્જાસભર હોય છે. તેમનો સ્વભાવ જિદ્દી છે. આવા લોકો રમતગમત અને અન્ય ક્ષેત્રોમાં મોટી પ્રગતિ કરે છે. ક્રોધ એ તમારી નકારાત્મક બાજુ છે.
જૂન મહિનામાં જન્મ લેનાર જાતકો પર સૂર્ય અને ચંદ્રની અસર જોવા મળે છે. જૂન મહિનામાં જન્મેલા જાતક ક્રોધી સ્વભાવના હોય છે. આ મહિનામાં જન્મેલા સ્ત્રી-પુરૂષોમાં કામ ભાવ ભરપૂર હોય છે. આ મહિનામાં જન્મેલા જાતકો તેઓ પોતાનું કામ મનમોજી હોવાથી ગુમાવે છે.
જે લોકો જુલાઈ મહિનામાં જન્મે છે. તેમના પર સૂર્ય ભગવાનનો પ્રભાવ જોવા મળે છે. આ મહિનામાં જન્મેલા લોકો ખૂબ જ ભાવનાશીલ અને જીદ્દી હોય છે, પરંતુ આ લોકોનું મન એકદમ સ્પષ્ટ છે. તેમને કોઈ પ્રત્યે ગુસ્સો વગેરે જેવી લાગણીઓ હોતી નથી.
ઓગસ્ટ મહીનામાં જન્મ લેતા લોકો ઉદાર અને ભાવુક સ્વભાવના હોય છે, કારણકે શુક્ર અને શનિદેવનો પ્રભાવ ઓગસ્ટ મહિનામાં જન્મેલા જાતકો પર જોવા મળે છે. આ મહિનામાં જન્મેલા લોકોને વહીવટી નોકરીમાં ઝડપથી સફળતા મળે છે. તેની હોશિયારી તેમની વાણીથી સ્પષ્ટ જોઇ શકાય છે.
બુધ ગ્રહનો પ્રભાવ સપ્ટેમ્બરમાં જન્મેલા લોકો પર જોવા મળે છે. આ મહિનામાં જન્મેલા લોકો તેમના મીઠા શબ્દોથી કોઈપણને ફેરવી શકે છે. આ મહિનામાં જન્મેલા જાતકો ઘણા શાણા હોય છે. તેઓએ તેમના નકામા ખર્ચને નિયંત્રિત કરવો જોઈએ.
ઓક્ટોબર મહિનામાં જન્મેલા લોકોને વાતચીત કરવી ખૂબ જ પ્રિય હોય છે. જે લોકો તેમને પ્રિય હોય છે તેમના પ્રત્યે તેઓ ઈમાનદાર પણ હોય છે. આ મહિનામાં જન્મેલા લોકો પર ચંદ્ર દેવનો પ્રભાવ જોઈ શકાય છે. આ મહિનામાં જન્મેલા લોકો ચંદ્રની જેમ ઠંડા રહે છે. કલા અને અભિનયના કિસ્સામાં, તેઓને ખૂબ જ જલ્દી સફળતા મળે છે.
નવેમ્બરમાં જન્મેલા લોકો પર બુધ ગ્રહનો પ્રભાવ જોવા મળે છે. આ લોકોને તેમની વાણી પર ખૂબ જ ગર્વ છે. આવા લોકો ટુચકાઓ સાથે કટાક્ષમાં માહિર માનવામાં આવે છે.
શુક્ર દેવ અને મંગલ દેવનો પ્રભાવ ડિસેમ્બરમાં જન્મેલા લોકો પર જોવા મળે છે. આ મહિનામાં જન્મેલા લોકો આળસુ પ્રકૃતિના હોય છે. તેઓ અન્ય સાથે તાલમેલ બનાવીને ચાલી શકતાં નથી. આ મહિનામાં જન્મ લેનાર લોકો સંરક્ષણના ક્ષેત્રમાં ખૂબ જ ઝડપથી સફળ થાય છે. તમે પ્રેમ અને કલાના ક્ષેત્રમાં વધુ સક્રિય બની શકશો. આ લોકો ભાગ્ય પર વધારે પડતો વિશ્વાસ કરે છે.
Leave a Reply